Një mrekulli e kanë cilësuar mediat në Francë, momentin kur një shqiptar ka pritur me duart e tij, një punëtor që po binte nga 10 metra lartësi.
Redi Rrjolli së bashku me familjen sapo kishte dalë nga banesa kur ka parë disa punëtor që po punonin në skela.
Një punëtor, vetëm 17-vjeçar që po punonte në skelë, në mënyrë aksidentale ka humbur ekuilibrin dhe ka rënë.
Ka qenë veprimi instiktiv i Rrjollit, i cili ka hapur krahët dhe e ka pritur trupin e 17-vjeçarit, duke i zbutur rënien në tokë, e në këtë mënyrë duke i shpëtuar edhe jetën. Menjëherë në ndihmë të tij kanë ardhur edhe persona të tjerë që ishin aty.
Punëtori 17-vjeçari shpëtoi, por edhe shqiptari duket se kishte marrë disa lëndime, për shkak të peshës, ai ka pasur pak probleme me krahët, por që siç duket nuk kanë qenë shqetësuese.
Veprimi i tij është përshëndetur nga kryebashkiaku i Mulhose, policia dhe zjarrfikësit të cilët e falënderuan për veprimin e tij shpëtimtar.
