Luis Meçe, 14-vjeçari që mbeti i plagosur në sherrin ku u vra shoku i tij Martin Cani, vijon të jetë në spital. Luisi dhe ka kërkuar ndihmë financiare për shpenzimet me të cilat familja po përballet.
Përmes një Gofoundme në emër të tij, është shpërndarë edhe mesazhi i Luisit, ku shprehet se prindërit e tij nuk kanë mundësi financiare për të përballuar spitalin.
Ai u godit 4 herë me thikë, në stomak, në shpinë dhe në mushkëri.
“Përshëndetje, unë jam Luis Mecja, jam 14 vjeç, kam nevojë për ndihmën tuaj për t’u shëruar. Javën e kaluar më goditën 4 herë me thikë, në stomak, në shpinë dhe në mushkëri. Unë kam një javë në spital, por prindërit e mi janë të varfër dhe nuk paguajnë dot spitalin, psikologun, fizioterapistin. Ju mund të shihni historinë time në facebook, instagram, lajmet se çfarë më bënë dy personat me thika, një masakër“, thuhet në mesazh.
