Grupi i Suel Çelës përveç vrasjes së Arian Çapjas, planifikoi të vrasë edhe Elvis Koçin alias Elvis Çaushllarin.
Nga bisedat e siguruara në aplikacionin SKY EÇ, Mario Çela vëllai i Suel Çelës, komunikon me anëtarin tjetër të bandës, Klaus Matishin, dhe i tregon se “bastardin” (dyshohet se i referohet Elvis Koçit), mund ta ekzekutojnë, por nuk do veprojnë njëherë pasi Suel Çela ka në plan që të mbarojë punë me Ardjan Çapjan.
Suel Çelës në komunikimet e aplikacionit Sky Eç anëtarët e tjerë të grupit i referohen me pseudonimin “Deda”.
Mario Çela i dërgon mesazhet “…po presim diçka tjetër atë bastardin e kemi në tavë..do e marrim të gjall, atë ku**ën mos i gjinet as nam as nishan e kemi gati po la plan tjetër Deda…ka…se atë e kemi ne tav..po…dhe do e marrim si kec..po ka plan tjetër deda…ktë ku**en e kemi në tav… mrena ditës…sna duhet tashi ky..sa të maroi i pun Deda ky e ka mrapa…le të marri pak xhiro…po kjo ësht ideja…se si qen e vet kollaj atë…po pra ky di shum gjëra…përfundimi dihet mish për qen…”.
Elvis Koçi, i cili njihet me nofkën “Vis Korçari” cilësohet si një person me rrezikshmëri të lartë. Koçi është konfliktuar me Migert Qosen më 25 nëntor të vitit 2020, pasi ky i fundit nuk i hapi rrugë. Konflikti verbal mes tyre degradoi në fizik deri në përdorimin e armëve kundrejt njëri tjetrit.
Si pasojë Koçi u plagos lehtë dhe për t’i shpëtuar policisë tentoi të mjekohej tek Trauma në Tiranë, por u arrestua nga policia.
