Shkëlqim dhe Florjan Duka, dy vëllezërit e akuzuar për vrasjen e Eduart Reçit, kanë heshtur para grupit hetimor.
I dyshuari kryesor, Shkëlqim Duka oficer policie në Komisariatin Nr. 2, nuk pranoi të jepte asnjë deklaratë për ngjarjen.
Florian Duka ka mohuar të ketë dijeni apo lidhje me ekzekutimin e biznesmenit. Ata janë marrë në pyetje veçmas njëri-tjetrit.
Reçi ishte i angazhuar në ndërtimin e pallateve. Ndërkohë, aty pranë vendit ku ndodhi krimi, dy vëllezërit Duka kanë në pronësi një lokal. Pranë kësaj prone, sipërmarrësi Reçi synonte të ndërtonte një pallat.
