Gjykata Kundër Korrupsionit dhe Krimit të Organizuar (GJKKO) ka shpallur vendimin për pesë të pandehurit e përfshirë në atentatin ndaj ish-prokurorit Arjan Ndoj, ngjarje e ndodhur më 1 nëntor 2019, ku humbi jetën shoferi i tij.
Të akuzuarit janë Ramazan Rraja, Genti Nderjaku, Endrit Sinani, Julian Pjetri dhe Bashkim Haxhija.
GJKKO ka vendosur dënimin me 6 vite burg për Ramazan Rrajën, nipin e ish-deputetit socialist Rrahman Rraja.
Genti Ndërjaku është dënuar me 5.4 vite burg, Bashkim Haxhija me 4.8 vite, Endrit Sinani me 4.8 vite dhe Julian Pjetri me 4.4 vite.
Prokuroria e Posaçme Kundër Korrupsionit dhe Krimit të Organizuar (SPAK) kishte kërkuar një total prej 43 viteve burg për të akuzuarit, pasi ata u përfshinë në sigurimin e kushteve dhe mjeteve për kryerjen e atentatit.
