Zamir Kalemi është plagosur mbrëmjen e së premtes (12 Janar) rreth orës 22:55, tek rrethi i Selitës në kryeqytet.
41-vjeçari nga Memaliaj ndodhet i shtruar në spital dhe sipas unifomave blu është jashtë rrezikut për jetën.
Zaimir Kalemi mësohet se ka marrë një plumb në këmbë dhe është nën kujdesin e mjekëve jashtë rrezikut për jetën.
“Më datë 12.01.2024, rreth orës 22:55, tek rrethi i Selitës, është plagosur me armë zjarri në këmbë, shtetasi Z. K., rreth 35 vjeç, i cili është transportuar dhe ndodhet në spital, nën kujdesin e mjekëve jashtë rrezikut për jetën.
Shërbimet e DVP Tiranë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorit/ve të dyshuar”, njoftoi policia.
Zamir Kalemi është kushëriri i Aleksandër Sadikajt, i cili u vra në një shpërthim me tritol në afërsi të TEG-ut, dhe vëllai i Andrea alias Adriatik Kalemi, që ndodhet në një burg në Greqi.
Andrea alias Adriatik Kalemi dyshohet se është i përfshirë në ezekutimin e biznesmenit Edmod Papa, i cili dyshohet se u vra si hakmarrje ndaj atentatit mafioz ndaj djalit të dajës së tij, Aleksandër Sadikaj.
Andrea Kalemi i ka shpëtuar një atentati në Greqi më 9 gusht të vitit 2023, në ishullin Paxos të Greqisë, teksa pushonte me familjen, si edhe një tjetër sulmi në burgun e sigurisë së lartë “Koridhalos” në Athinë ku u godit nga i burgosi egjiptian me thikë.
Dyshohet se sulmi në burg ndaj 51 vjeçarit ishte tentative për vrasje me pagesë.
