Të shtunën, në qytetin Suzu të Japonisë, një grua 90-vjeçare u nxor e gjallë nga rrënojat e një shtëpie të shembur, 5 ditë pas tërmetit me magnitudë 7,6 që goditi vendin aziatik.
Sipas ekipeve të shpëtimit, gruaja e moshuar, e cila ngeci nën rrënojat e një ndërtese dykatëshe për 124 orë, aktualisht e ka marrë veten, por ka dëmtime në të dyja këmbët.
Sipas “NHK”, gruaja e moshuar arriti të mbijetojë duke pirë ujë shiu që filtronte nëpër rrënoja.
Aktualisht, bilanci nga tërmeti në Japoni është 128 viktima dhe 195 të zhdukur. Ndërsa, të plagosurit janë 560.
