I ftuar në studion e Fax News këtë pasdite ishte avokati Altin Goxhaj. Për Rovena Nezirin, avokati komentoi ngjarjet e vitit që lamë pas si dhe ato që priten të ndodhin në 2024.
Në lidhje me vitin e ri 2024 Goxhaj shprehet se pushteti me regji qendrore, do të mundohet sa më shumë që hallet e vërteta dhe të mëdhaja që kanë shqiptarët t’i zhurmojë me gjëra të tjera. Pra do të vijojë zhurma mediatike me Berishën, Bashën, Ramën, Metën, SPAK-un apo GJKKO-në.
Ndërsa sfidë e vërtetë për vitin e ardhshëm mbetet paraqitja e një klase të re politike, që do të përpiqet të faktorizohet përballë axhendës së këtij pushteti, që përpiqet t’i mbajë shqiptarët në errësirë.
Nga ana tjetër, për Goxhajn, ngjarja më e rëndësishme nuk është ajo që po ndodh me Sali Berishën, por ndryshimet kushtetuese në rolin që do të ketë presidenti. Dhe kjo është një luftë reale politike që po luhet mes Ramës dhe Veliaj dhe konflikti i vërtetë mbetet se çfarë kompetencash do të ketë presidenti.
Altin Goxhaj: Shteti, pushteti, regjia qendrore do të përpiqet që gjatë 2024 të na mbajnë zvarrë me debatin Berisha-Basha-Rama-Meta, SPAK-u, GJKKO e kështu me rradhë. Ata kështu do të përpiqen. E vërteta është që ato do zhurmojnë hallet me të mëdhaja që kanë shqiptarët. Duke parë gjendjen e vështirë kur ndodhet personalisht Sali Berisha dhe familja Meta, pushteti do të ketë avantazhin e madh që do të negociojë me ta nëpërmjet korrierëve të vetë që edhe ata të ndjekin të njëjtën linjë që ka nevoja pushteti. Sepse edhe atyre u intereson që të jenë në qendër të vëmendjes pa e kuptuar se çfarë do t’i prodhojë Shqipërisë kjo gjë. Ajo që unë besoj se do të jetë e vërteta e problemit të 2024 do të jetë paraqitja e palëve të reja, një klase të re politike që përpiqet të faktorizohet përballë një axhende të planifikuar të pushtetit për t’i mbajtur shqiptarët në errësirë. Unë besoj se ngjarja më e rëndësishme reale politike në të vërtetë nuk është ajo që ne shohim me Sali Berishën, por do të jetë lufta për presidencën. Njësoj si në Amerikë do të ketë një luftë për presidencën Trump-Biden. Gjithë axhenda që po luhet nga Edi Rama dhe Erion Veliaj dhe në fakt kjo është lufta reale politike e vetme… do të prodhojë pikërisht këtë konfliktin e madh se çfarë kompetencash do të ketë presidenti.
