Kur ka kaluar më shumë se tre javë nga vrasja e Liridona Ademajt, krim që tronditi opinionin, për mënyrën se si u krye dhe aq më tepër kur dyshohet se ekzekutimi i 30-vjeccares ishte porositur nga bashkëshorti i saj, Naim Murseli, mbetet mister motivi i vrasjes.
Brenda pak ditësh Policia e Kosovës arriti të arrestojë 4 persona, mes të cilëve edhe autorin që kreu krimin, por edhe Naim Murselin si personin e dyshuar që porositi vrasjen.
E ndërsa deri në këtë fazë të hetimit mbetet mister motivi që ka detyruar Naim Murselin të organizojë krimin, aq më tepër duke e paraqitur fillimisht si një ngjarje grabitjeje, ku Liridona u qëllua me armë zjarri në makinë, ndërsa Naim Murseli dhe dy fëmijët e mitur kishin arritur të largoheshin. E gjithë kjo histori e ndërtuar nga Naimi u ccmontua shpejt dhe policia e Kosovës arriti të zbardhë ngjarjen, të arrestojë personat e përfshirë, ndërkohë që në media qarkullojnë një seri hipotezash lidhur me motivin.
Avokati Sknëdre Musa në një intervistë për Bota Sot shprehet se motivin e krimit e di vetëm ai që e ka porositur krimin dhe nuk është ccudi që asnjëherë të mos e marrim vesh se pse u vra Liridona Ademaj.
“Motivi është element subjektiv i kryerjes së veprës penale, në fakt është vendimi që merr kryesi i veprës penale brenda ndërdijes së tij, pra është element i brendshëm që nuk mund të zbulohet pothuajse në asnjë vepër penale.
Ajo çka është e rëndësishme, dashja është vërtetuar, në vet faktin se kryesi, organizatori i vrasjes, ka shkuar e ka marrë në shtëpinë e babit të saj, pastaj kanë ardhur në një restaurant në Prishtinë kanë ngrënë darkë, kanë shkuar e kanë vizituar shtëpinë që e kanë blerë, e më pas në vendin ku nuk ka pasur kamera, nonstop i përcjellë nga personi i porositur për ta ekzekutuar, kjo dëshmon që dashja ka ekzistuar.
Ndërkaq, motivi se çka e ka shtyrë të dyshuarin ta ekzekutojë bashkëshorten e tij, mund të mos zbulohet asnjëherë. Mirëpo, për çështjen penale, është tepër i rëndësishëm vërtetimi i fakteve dhe provave, se a ka qenë ish-bashkëshorti organizatori i vrasjes, a ka qenë ai që e ka porositur dhe e ka paguar ekzekutorin, sepse vrasja ka ndodhur dhe elementi tjetër që përbën vepër të rëndë penale është vrasja e anëtarit të familjes, elementi i dinakrisë që lidhet me veprimet tinëzare të tij, element mjaft lëndues prezenca e fëmijëve në të njëjtën makinë dhe ka mjaft elemente të vrasjes së rëndë, që tashmë janë vërtetuar dhe dihen publikisht.
Ndërkaq për motivet e ndryshme që përflitet, nuk mund të pajtohem që ekzistojnë të gjitha ato motive që po i dëgjojmë nëpër media të ndryshme, pasi motivin se pse ka ardhur deri te vrasja, e di vetëm i dyshuari që e ka përgatitë planin për vrasje dhe ai ka mundësi që këtë motiv të mos e tregojë asnjëherë. Shpeshherë ndodh që kryersit e veprave penale edhe nëse pretendojnë që e kanë treguar motivin, mos të jenë të sinqertë”, thotë avokati.
