Vota e bardhë—Faqja e bardhë!
Nga Neritan Vladi
Ndër vite, (Që nga viti 1991), partitë politike me lidership të klonuar, pjellë e komunizmit, (Ramiz Alia), e kanë ndarë votën në “të kuqe dhe “blu”. Dhe së fundmi, vetëm për mos të ikur nga tradita e ngjyrave është parashikuar edhe “vota gri” …
Votën e kuqe dhe votën blu, e kanë manipuluar dhe ndarë mes vetes në çdo palë zgjedhje, sipas interesave të tyre. Tani që nuk ju dalin hesapet në skemën 34-vjeçare, i janë turrur “votës gri”, për ta blerë me para, ose me interesa të vogla momentale…deri tek thesi i miellit.
Është koha për një votë të bardhë, për të nxjerrë shoqërinë, veten dhe Shqipërinë faqe bardhë…
Një thirrje të sinqertë për çdo shtresë të shoqërisë, o sot o kurrë është koha: Hidhni pa frikë një votë të bardhë, për të nxjerrë në 11 Maj, veten, shoqërinë dhe Shqipërinë, faqe bardhë…
Merruni paratë e vjedhura, (se janë tuajat).
Merruni “nderet” që u afrojnë, se ju takojnë.
Mos ju thoni që nuk do ti votoni.
Thoni një “gënjeshtër” të bardhë për ta, (Kanë 34 vite që ju thonë gënjeshtra të zeza dhe për të zezën tuaj), duke ju thënë që do tu jepni votën, por te kutia hidhni votën e bardhë, për një faqe të bardhë të historisë post-tranzicion.
Ju, fëmijtë tuaj, Shqipëria meriton më shumë!
Shqipëria meriton një votë të bardhë!
Shqipëria dhe çdo shqiptarë, meritojnë një faqe të bardhë!
