Policia e Tiranës ka arrestuar një 34-vjeçar, si të dyshuar për një pengmarrje për motive të dobëta në kryeqytet. Ngjarja është regjistruar në zonën e mbuluar nga Komisariati i Policisë Nr. 3. Në pranga u vu Luel Rabija (Pjetri).
Siç shihet dhe nga pamjet e publikuara nga blutë e Tiranës, 34-vjeçari shihet teksa merr me forcë në automjet 40-vjeçarin.
Nga hetimet paraprake dyshohet se 34-vjeçari pas marrjes me forcë të personit e ka dhunuar atë me grushte në ambientet e makinës.
<em>“Sapo është marrë njoftimi për rastin, shërbimet e Policisë kanë ndërhyrë menjëherë dhe kanë organizuar veprimet për identifikimin e autorit dhe dokumentimin e rrethanave të ngjarjes. Si rezultat, u bë e mundur kapja dhe arrestimi i shtetasit L. R. (P.), 34 vjeç, banues në Tiranë”,</em> njofton policia.
Automjeti i përdorur në ngjarje është sekuestruar në cilësinë e provës materiale, ndërsa materialet procedurale i janë referuar Prokurorisë së Tiranës për vijimin e hetimeve.
<div style=”width: 100%; height: 0px; position: relative; padding-bottom: 56.604%;”><iframe style=”width: 100%; height: 100%; position: absolute;” src=”https://streamable.com/e/7u5kdl?quality=highest” width=”100%” height=”100%” frameborder=”0″ allowfullscreen=”allowfullscreen”></iframe></div>
