Ndryshe nga çfarë ka ndodhur më parë, Partizani ka vendosur ta luajë ndeshjen e fundit të vitit, atë ndaj Erzenit, në “Air Albania”. Kjo përballje do të jetë edhe e fundit e Superiores për vitin kalendarik 2023, teksa të dy ekipet do të kërkojnë ta mbyllin në mënyrën më të mirë të mundshme.
Të kuqtë e Abilaliajt vijnë në këtë duel pas barazimit 1-1 në transfertë ndaj Kukësit, ndërkohë që Erzeni barazoi pa gola ndaj Teutës. Të dy trajnerët kanë hedhur në fushë lojtarët më të mirë të mundshëm që kanë në dispozicion.
12’ GOOOL ERZENI! Mihana shënon me një gol spektakolar pasi nis një kundërsulm në të majtën, kalon dy lojtarë dhe mposht Qirkon me një predhë me të djathtën. (VIDEO)
