Bordi i Transparencës ka rishikuar me ulje çmimet e naftës dhe benzinës në tregun shqiptar, duke vendosur tavane të reja si për shitjen me pakicë ashtu edhe për shumicë.
Çmimi i naftës ka pësuar sërish ulje, pasi nga 196 lekë/litri do të shitet me 193 lekë/litri. Ndërkohë benzina do të shitet me 179 lekë/litri.
Çmimet e caktuara nga Bordi do të hynë në fuqi sot datë 8 ora 13.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
