Shërbimi i transportit urban pritet të rikthehet në normalitet duke nisur nga sot, pas dakordësisë së arritur mes operatorëve të transportit dhe përfaqësuesve të qeverisë.
Shoqata e Transportit Urban dhe Interurban zhvilloi një takim me ministrin e Infrastrukturës, Enea Karakaçi, dhe ministren e Ekonomisë, Delina Ibrahimaj, ku në fokus ishte situata e krijuar në sektor dhe kostot e transportit publik.
Sipas përfaqësuesve të shoqatës, gjatë takimit është rënë dakord për subvencionimin e transportit publik me 50 lekë për çdo litër karburant.
Megjithatë, ende nuk është përcaktuar periudha për të cilën do të aplikohet mbështetja financiare. Diskutimet vijojnë nëse subvencioni do të mbulojë muajt qershor, korrik dhe gusht, apo periudhën korrik, gusht dhe shtator.
