Spitali Universitar Obstetrik-Gjinekologjik “Koço Gliozheni” në Tiranë, i drejtuar nga Genci Hyska së fundm, ka shpallur fituese të një tenderi për blerjen e barnave hormonale kompaninë Medicamenta sh.p.k., në pronësi të Ilir Shehut. Ky tender, i zhvilluar si procedurë e hapur e thjeshtuar, ka marrë një “Flamur të Kuq” për shkak të mungesës së konkurrencës, në vlerësiminin e “Open Data”.
Ilir Shehu është një figurë e njohur në sektorin e shëndetësisë, shpesh i quajtur “oligarku i shëndetësisë”. Kompania e tij, Medicamenta sh.p.k., ka fituar një numër të madh kontratash me institucionet publike vitet e fundit, duke kapur një vlerë totale prej mbi 12 miliardë lekësh.
Një pjesë e madhe e këtyre tenderave, plot 644 kontrata me 36 institucione shtetërore, janë fituar si operator i vetëm ekonomik.
Emri i Ilir Shehut është lakuar edhe më parë në hetime për furnizim me barna, si në rastin e medikamentit të shtrenjtë Doksorubicin, që përdoret për kimioterapi. Këto raste kanë ngritur shqetësime për abuzime dhe përfitime të paligjshme, ndërsa pyetja mbetet e hapur: Pse SPAK-u nuk ndërhyn për të hetuar këtë oligark, i cili dyshohet se ka shkelur ligjin në kaq shumë.
