Të shtëna me armë zjarri kanë ndodhur mbrëmjen e sotme në Selanik të Greqisë
Sipas mediave greke, episodi i rëndë, ka ndodhur rreth orës 22.00 mes dy personave, jashtë një restoranti në rrugën Ampelonon. Njëri prej tyre nxori një armë dhe qëlloi tjetrin duke e lënë të plagosur, ndërsa dëshmitarët thanë se është qëlluar më shumë se një herë.
Sipas informacioneve paraprake dyshohet se autori është një shqiptar, i cili është larguar menjëherë nga vendi i ngjarjes.
Gjithashtu dyshohet se i plagosuri është me origjinë shqiptare. Zona është e rrethuar nga forcat e policisë.
