Java e 29-të e Kategorisë Superiore do të mbyllet me dy sfidat e sotme, kur luhet për dy objektiva të ndryshëm, për zonën “Final 4” dhe për mbijetesë.
Në orën 15:00, Laçi pret Partizanin, një duel me synime të kundërta, kurbinasit për t’i ikur vendeve të fundit në renditje, ndërsa në anën tjetër, të kuqtë për t’u afruar me dy vendet e para dhe për të “blinduar” një herë e mirë objektivin ‘Final 4″.
Kurbinasit ndodhen në vendin e tetë me 31 pikë, 3 larg Teutës së vendit të shtatë, të cilën kërkojnë ta arrijnë. Demat janë në vendin e tretë, 4 larg Vllaznisë së vendit të dytë dhe 8 larg Egnatias kryesuese.
LAÇI-PARTIZANI 0-1
38′ Sota
NGJARJET KRYESORE
45’+3’ Mbyllet pjesa e parë me avantazhin 1-0 ta Partizanit.
45’+2’ Skuka i lë vendin Maget në radhët e Partizanit.
45’ Jepen 3 minuta shtesë.
44’ Melo hyn në zonë përsëri në krahun e majtë, Sota fiton duelin me brazilianin i cili rr♪7zohet dhe shpreson për penallti, por merr përgjigje negative nga Xhaja. (VIDEO)
43’ Barjamaj kalon mirë në të majtën e sulmit. Pasimi i tij në qendër largohet nga mbrojtja.
38’ GOOOL PARTIZANI! Pas zhvillimit të një goditje këndi, topi shkon te Sota i cili i vetëm para Dajsinanit gjuan duke çuar sferën në rrjetë. (VIDEO)
32’ Tentativa radhazi të kurbinasve për të çuar topin në zonën e Partizanit, por të kuqtë largojnë çdo rrezik, duke mos lejuar gjuajtjet drejt katërkëndorit të Qirkos.
23’ Kurti nuk mund të vazhdojë pas asaj ndërhyrje të rëndë të Carës të disa minutave më parë, vendin e tij e merr Tresa.
22’ Melo ndëshkohet me karton të verdhë për një faull ndaj Qirkos.
21’ Skuka nga e djathta pason për Rrapajn në zonë në shtyllën e parë, ky i fundit gjuan por nuk gjen portën. (VIDEO)
17’-18’ Faull i rëndë i Carës i cili ndaj Kurtit për të cilin ndëshkohet me të verdhë fillimisht nga Xhaja. Më pas gjyqtari thirret të shohë pamjet me VAR dhe ai ndryshon ngjyrën e kartonit, duke i dhënë të kuqin sulmuesit të Partizanit. (VIDEO)
16’ Pasim nga e djathta e sulmit që shkon te Ujka i cili gjuan, por gjen Qirkon në pozicion. (VIDEO)
13’ Preka ndëshkohet me karton të verdhë për një faull ndaj Barjamajt.
9’ Kundërsulm i Partizanit, Taipi humb kohën për të gjuajtur në portë e më pas është Skuka i cili gjuan mbi traversë, ndërsa sinjalizohet në pozicion jashtë loje.
7’ Një tjetër shpërthim në zonë në krahun e djathtë të sulmit të Laçit, mbrojtja dhe Qirko zgjidhin situatën me vështirësi duke çuar sferën në këndore.
6’ Top në thellësi për Barjamajn, sulmuesi i Laçit nuk arrin të shfaqet në kohë para portierit për të rrezikuar portën.
4’ Melo provon me një gjuajtje nga jashtë zonës por është shumë e lehtë për të shqetësuar portierin e të kuqve.
1’ Nis dueli në Laç.
FORMACIONET
LAÇI: Dajsinani, Silva, Kurti, Kryeziu, Manellari, Prodani, Melo, Barjamaj, Ujka, Mjaki dhe Dajko.
PARTIZANI: Qirko, Atanaskoski, Skuka, Murataj, Cara, Preka, Taipi, Sota, Hadroj, Mba dhe Rrapaj.
