Kreu i Grupit Parlamentar të Partisë Socialiste, Taulant Balla ka zhvilluar një vizitë në zyrat e Deutsche Welle në Berlin, ku është takuar me Adelheid Feilcke, Drejtoreshë e DW për Europën.
Përmes një postimi në rrjetet sociale, Balla bëri të ditur se gjatë takimit u diskutua mbi rolin e medias së lirë dhe profesionale, sfidat që sjell dezinformimi, si edhe rëndësia e komunikimit të besueshëm në forcimin e demokracisë dhe të vlerave europiane.
Ai shprehu gjithashtu vlerësim për kontributin e Deutsche Welle në informimin cilësor dhe në mbështetjen e standardeve të gazetarisë profesionale në rajon dhe më gjerë.
🇦🇱🤝🇩🇪 Berlin📍Vizitë në zyrat e Deutsche Welle ku pata një bisedë të frytshme me Adelheid Feilcke, Drejtoreshë e DW për Europën. Diskutuam mbi rolin e medias së lirë dhe profesionale, sfidat e kohës së dezinformimit, si edhe rëndësinë e komunikimit të besueshëm në forcimin e demokracisë dhe vlerave europiane. Vlerësim maksimal për punën dhe kontributin e DW në informimin cilësor dhe në mbështetjen e standardeve të gazetarisë profesionale në rajonin tonë dhe më gjerë.
