Kryetari i Bashkisë së Kolonjës, Erion Isai, i njohur edhe si Çuçka i Kolonjës, në gusht 2024, ka paraqitur një kërkesë-padi pranë Gjykatës së Tiranës për t’u divorcuar nga bashkëshortja Ajlin Petrela, me motivacionin se mes tyre nuk ka më afeksion, se jetojnë të ndarë, se martesa e ka humbur kuptimin etj. Çuka dhe zonja Petrela ishin të martuar që nga viti 2011 dhe kanë dy fëmijë.
Në prill të këtij viti, Gjykata e Tiranës ka vendosur zgjidhjen e martesës. Zyrtarisht, Çuçka e Kolonjës, i cili disa ditë më parë mahniti liderët e BE-së me aglishten e tij me theks ‘ersekar’ dhe humorin që e karakterizon, është beqar.
Rastësi ose jo, kriza në martesën e Çuçkës ka ardhur pasi Edi Rama e emëroi në vitin 2019 kryetar të Bashkisë së Ersekës. Aktori i humorit Erion Isai tregoi ‘sakrificën e tij’ për interes publik pasi la një pagë rreth 5 mijë euro në televizion për një rrogë 680 mijë lekë të vjetra si kryetar i Bashkisë Kolonjë.
Pyetjen ‘a kam edhe rrogë’ nisi t’a bënte që muajt e parë. Një skemë korrupsioni me tendera të paracaktuar, me Adriatik Zeqillarin, tregon edhe ‘sakrificën’ e Çuçkës. Shumë shpejt, aktori ia mori dorën bashkisë, duke krijuar një rreth klientelist, me të cilin nisi të ndante paratë dhe tokat publike, duke marrë përqindje për çdo tender dhe ankand.
Pas finalizimit të aferave të para korruptive, Çuçka mori shtëpi te Kodra e Diellit. Një dosje në SPAK dhe disa dëshmi tregojnë se Çuçka, në një moment, nuk dinte se çfarë të bënte dhe ku t’i çonte paratë e vjedhura. Rroga e bashkisë dhe paga si aktor i dukeshin bakshish.
Ai vendosi të shkurtonte dhe paloste veshët (romodelonte veshët). Befas një ditë Çuçka u shfaq me veshë më të vegjël.
Pas shkurtimit të veshëve, Çucka nisi të investonte në pasuri të paluajtshme në emra të tjerë, ndërsa i hyri edhe anglishtes, të cilën e asimiloi shumë shpejt, me një theks ‘ersekar’.
Me gjithë këto ndryshime të shpejta martesa e Çuçkës nuk kishte se si të mos tronditej.
Kupa u mbush kur Çuçka nisi të ngacmonte dhe t’u vardisej djemve, duke hyrë në sherr me të dashurat e tyre. Kështu një ditë zonja Petrela mori plaçkat dhe u largua nga banesa.
Nuk përbën interes publik jeta private e Çuçkës, as nëse i pëlqejnë djemtë, femrat apo të dyja gjinitë, por interes publik përbën kur një kryetar bashkie shqetëson qytetarët me mesazhe seksiste në mesnatë, fton komentuesit në duel dhe vjedh pasuritë publike.
Isai është nën hetim nga SPAK për abuzimet me fondet e rrugëve dhe një rast ujësjellësi për Bashkinë e Kolonjës, madje është thirrur disa herë për t’u marrë në pyetje. Edhe pse nën hetim, në listën e re të programit për strehimin social, Isai ka futur si përfitues edhe disa prej vartësve të tij, për t’iu dhënë banesa me lekët e qytetarëve.
Të pastrehë janë shpallur dhe Petro Kristo, i cili ka pozicionin si drejtor pyjore dhe bashkëshortja e tij që po ashtu punon në Bashkinë e Kolonjës. Gjithashtu edhe Administratori i Njësisë Administrative të Leskovit, Leonard Konica, i cili në fakt administron hotelin luksoz të Olta Xhaçkës dhe Artan Gaçit në Leskovik.
Ndërkaq, Kontrolli i Lartë i Shtetit ka referuar në SPAK një tjetër dosje voluminoze për kryetarin e Bashkisë së Kolonjës, Erion Isai, i cili akuzohet për shpërdorim detyre dhe afera me tenderat. Kallëzimi penal në SPAK për Erion Isain, i njohur si Çuçka e Kolonjës, vjen pas një auditimi të Kontrollit të Lartë të Shtetit në Bashkinë e Kolonjës, ku janë konstatuar abuzime me tenderat me kosto miliona euro.
Sipas kallëzimit penal, në disa praktika me natyrë korruptive, kryebashkiaku Erion Isai ka firmosur tendera për disa kompani pa plotësuar kriteret e vendosura nga autoriteti kontraktor (bashkia), duke shkelur barazinë në tendera dhe shpërdoruar detyrën. Gjithashtu, Bashkia e Kolonjës me në krye Erion Isain nuk ka monitoruar as zbatimin e kontratave, ku kompanitë e paracaktuara fituese, në disa raste, nuk kanë realizuar asnjë volum pune, por thjeshtë kanë marrë paratë publike, ku dyshohet se i kanë ndarë me Erion Isain, i cili ekspozon luksin në Tiranë.
Vjedhje me tendera
Adriatik Zeqillari është administrator dhe pronar i kompanisë së ndërtimit Zeqillari shpk (L61912024O).
Kryetari i Bashkisë së Kolonjës, Erion Isai, ka gjetur Zeqillarin si klient të konsoliduar tashmë, për kanalizimin, vjedhjen dhe ndarjen e parave të tenderave.
Nga 25 tendera që kompania Zeqillari ka marrë në total e vetme dhe në bashkëpunim, 10 tendera me vlerë miliona euro i ka marrë pikërisht nga Bashkia e Kolonjës, me firmën e Erion Isait, i cili ka rimodeluar edhe veshët.
Tenderat i ka fituar pa plotësuar kriteret dhe duke mashtruar me zbatimin e kontratave, në bashkëpunim me Erion Isain.
Përqëndrimi i një kompanie duke fituar tenderat kryesorë në një bashki krijon dyshime të arsyeshme për një skemë klienteliste mes titullarit të autoritetit kontraktor dhe pronarit të komapnisë fituese, me qëllim kontrollin dhe ndarjen e parave publike.
Më 10 nëntor 2023, Erion Isai ka firmosur një tender me vlerë rreth 500 mijë euro për Adriatik Zeqillarin, për ndërtim palestre për kompleksin “Shkolla Qëndër Komunitare” për shkollën 9 vjeçare Petro Nini Luarasi dhe Papa Kristo Negovani, Ersekë.
Diferenca mes ofertës fituese dhe fondit limit është më pak se 3 milionë lekë. Është një tender i paracaktuar dhe sipas formulës së pashkruar të tarifës së korrupsionit 20-30 %.
Në 22 gusht të vitit 2022, Erion Isaj dhe Adriatik Zeqillari kanë bërë një vjedhje spektakolare, duke ndarë 200 mijë euro për pastrimin e një kanali në fshatin Gostivisht.
Në tender ka marrë pjesë vetëm kompania Zeqillari. Oferta fituese është sa fondi limit. Kontrata e punimeve ishte vetëm 4 ditë. Për pastrimin e kanalit nuk janë shpenzuar as 10 % të vlerës së tenderit. Paratë janë ndarë mes Adriatik Zeqillarit dhe Erion Isait.
Në të njëjtën formë, me pazar në tavolinë, me ofertë fituese sa fondi limit, pa garë ose me garë teatrale, Erion Isai i ka dhënë klientit të tij Adriatik Zeqillari edhe tenderat me vlerë qindra mijë euro për rikonstruksionin e pjesshëm të Bashkisë Kolonjë, vendosje matësash nëpër pallate në Ersekë, rikostruksion për banesë sociale të një godine në Leskovik, rikualifikimin e Rrrugës Pali Prifti në Ersekë, rikostruksion i linjave të ujësjellësit në fshatin Borovë në Ersekë etj.
/Prapaskena/
