Kujdes nga ekrani: nëse jeni i ri, kalimi i tepërt i kohës në ekran dixhital mund të rrisë rrezikun e hipertensionit, kolesterolit të lartë dhe rezistencës ndaj insulinës, duke kompromentuar shëndetin metabolik dhe kardiovaskular, shkruan salute.eu.
Ky është paralajmërimi i një studimi të botuar në Journal of the American Heart Association nga studiuesit në qendrën COPSAC (Studimet Prospektive të Kopenhagenit mbi Astmën në Fëmijëri) në Universitetin e Kopenhagenit.
Studiuesit analizuan të dhënat nga dy studime daneze: COPSAC2010, në të cilën prindërit raportuan përdorimin e ekranit nga 700 fëmijë në moshat 6 dhe 10 vjeç, dhe COPSAC2000, i cili përfshinte 411 doleshentë 18-vjeçarë të cilëve iu kërkua të raportonin drejtpërdrejt zakonet e tyre dixhitale.
Studimi zbuloi se 6-vjeçarët kalonin mesatarisht 2 orë në ditë para një ekrani, duke u rritur në 3.2 orë në moshën 10 vjeç.
Tetëmbëdhjetëvjeçarët, nga ana tjetër, kalonin mesatarisht mbi 6 orë në ditë.
