Një shpërthim me lëndë plasëse ka ndodhur mbrëmjen e djeshme në qytetin e Vlorës.
Lënda plasëse ishte vendosur në një servis motorësh. Nga shpërthimi nuk ka pasur të lënduar, por vetëm dëme materiale.
“Rreth orës 23:00, në lagjen “Bashkimi”, në dritaren e një servisi motorësh në pronësi të shtetasit V. B., shpërtheu një sasi lënde e dyshuar plasëse. Si pasojë, u shkaktuan vetëm dëme të vogla materiale.
Grupi hetimor ndodhet në vendngjarje dhe po vijon punën për zbardhjen e rrethanave të ngjarjes dhe identifikimin e autorit/ëve të dyshuar”, njofton policia.
