GJKKO ka rrëzuar kërkesën e kryebashkiakut Erion Veliaj për heqjen e sekuestros mbi telefonin e tij. Kërkesa u shqyrtua nga gjyqtari paraprak Erion Bani.
Bëhet fjalë për telefonin e sekuestruar në momentin kur është ekzekutuar arresti me burg ndaj tij.
Veliaj qëndron në qeli që prej datës 10 shkurt 2025. Kur u arrestua, në atë moment iu sekuestrua edhe celulari nga agjentët e Byrosë Kombëtare të Hetimit.
Ai u arrestua me urdhër të SPAK pasi po hetohet për korrupsion aktiv, korrupsion pasiv, mosdeklarim i pasurisë dhe pastrim parash.
Po ashtu fillimisht për bashkëshorten e Veliajt, Ajola Xoxën u vendos masa e ‘arrestit në shtëpi’, por më pas GJKKO vendosi që kjo masë të lehtësohej në ‘detyrim paraqitje’.
Kjo masë është dhënë edhe për disa biznesmenë, të cilët sipas SPAK kanë kryer korrupsion aktiv.
