Moderatori Saimir Kodra, në hyrje të emisionit “STOP”, ka folur për herë të parë pasi aktorja Egla Ceno u shpreh se i ka kërkuar para shumë vitesh të kryenin marrëdhënie seksuale në favor të punës. Në një moment të emisionit, Kodra kërkoi kohë për të sqaruar ngjarjen duke u shprehur se në kohën që ajo pretendon se të dy kanë qenë moshatarë, e jo më i madh sesa pretendon vetë aktorja. Kodra përsëriti se Egla është një “aktore e dobët” e cila po luan një skenar të rëndomtë dhe të pistë, ndaj edhe do të përballet me një padi penale, jo vetëm ajo, por edhe televizioni ku ajo ka bërë deklaratën.
VIDEOJA NË MINUTËN E 10:
“Ky është reagim për ata që më ndjekin dhe kolegët gazetarë që më telefonojnë për një version. Do të bëj një reagim të shkurtër, se zonja që ka bërë deklaratën ka kaluar kompetencat duke përmendur një person që nuk është aty. Nuk dua t’i përgjigjem se e vetmja përgjigjie ndaj kësaj aktoreje të dobët, e këtij skenari po aq të dobët të ndërtuar do i përgjigjet ajo vetë në Gjykatë. Kjo deklaratë e saj është në Gjykatën Penale, ajo ka ballën e provës që të vërtetojë që këtu e 25 vite më parë i kam pasur kërkuar afera seksuale. E gjitha kjo histori më bëri që të kaloj në nostalgjinë e radios. Ky në mes jam unë. Kësaj zonjes dhe aktores së dobët, pas 25 vitesh i del detyra që ta vërtetojë në Gjykatë. Kam qenë dhe do të jem krah femrave që dhunohen, molestohen, me fakte dhe me prova si gjithmonë. Këtu kemi qenë të gjithë 25 vjeç. Unë s’di të kem punuar ndonjëherë as drejtor i burimeve njerëzore që të punësoja njerëz, as recepsionist. Kam qenë moderator i thjeshtë i një emisioni që quhej “Radio Mania”. Është vënë në mes dinjiteti njerëzor. Kjo është një çështje penale për zonjën, por edhe për televizionin ku ajo e ka thënë atë deklaratë,“-tha Kodra në fjalën e tij.
Disa ditë më parë, Egla Ceno tha se e kanë ngacmuar seksualisht para shumë vitesh, ndërsa sot ai del në ekran me zë dhe figurë dhe ndoshta të njëjtën gjë bën edhe me gra e vajza të tjera.
