Çdo ditë zbulohet një aferë e re, çdo ditë del në dritë një emër i radhës ministra, zëvendësministra, drejtorë, njerëz të pushtetit që për vite kanë ndarë pasuritë publike si plaçkë personale.
Tashmë, ata po tradhtojnë dhe po denoncojnë njëri-tjetrin, duke e zbuluar të vërtetën e hidhur që populli e ka ndjerë prej kohësh: pushteti është bërë strehë për korrupsionin, jo për drejtësinë.
Grupi i interesave të pista që ka mbajtur peng vendin po çahet dita-ditës. Sa më shumë përpiqen ta mbulojnë me propagandë, aq më shumë del në pah kalbëzimi i sistemit që kanë ngritur mbi mashtrim, vjedhje dhe padrejtësi.
Në vend që të punojnë për qytetarët, ata luftojnë për të shpëtuar veten për të fshehur pasuritë, aferat, dosjet që flasin më shumë se çdo fjalë.
Kjo “qeveri” po goditet nga e vërteta që nuk mund të fshihet më. Një sistem që për vite ka ndërtuar pasuri mbi varfërinë e popullit, po shembet nën peshën e vet korrupsionit.
Populli është lodhur nga premtimet bosh, nga fasadat me ngjyra dhe nga gënjeshtrat e prezantuara si suksese. Sot duhet të kërkohet llogari dhe drejtësi, jo më justifikime.
Sepse një vend nuk mund të ecë përpara mbi themele të kalbura.
Drejtësia nuk duhet të jetë spektakël, por veprim.
Kur pushteti fillon të hajë vetveten, është shenja më e qartë se fundi i tij ka nisur…
