Emisioni “Report” në Rai3, premtoi se puntatën e së dielës (dje, 28 Prill) do të publikonte pjesën e dytë të investigimit për Shqipërinë, mirëpo asgjë e tillë nuk u shfaq në ekran.
Edhe pse autori i emisionit “Report” në Rai3, Sigfrido Ranucci, pak orë para transmetimit, paralajmëroi për publikimin e pjesës së dytë me të tjera investigime për marrëveshjen e emigrantëve mes qeverisë shqiptare dhe asaj italiane, pjesa e dytë e reportazhit nuk u dha.
Sikurse shihet edhe në postimet e mëposhtme, Ranucci vijonte me paralajmërimet në rrjetet sociale për investigimin, si në Facebook, ashtu edhe në faqen e emisionit në Instagram.
Mirëpo, pjesa e dytë e investigimit për Shqipërinë u anulua, duke mos dhënë asnjë shpjegim për publikun që po e priste.
Ranucci, u mundua të justifikohej (në Facebook, në komente) se emisioni anuloi pjesën e dytë të investigimit pasi po negociojnë t’i marrin një intervistë kryeministrit Edi Rama.
‘Do kthehemi shpejt në Shqipëri. Po presim të biem dakord për një intervistë me Presidentin Rama’- shkruan ai.
Kujtojmë se reportazhi i cili zbuloi aferat korruptive të Qeverisë shqiptare, shkaktoi indinjatë tek qytetarët italianë dhe ata shqiptarë.. Emisioni investigativ “Report” të RAI 3 trajtoi marrëveshjen mes Shqipërisë dhe Italisë për çështjen e emigrantëve, duke publikuar detaje të frikshme të aferave të pista në vendin tonë.
Mirëpo, ata premtuan se do të zbulonin detaje të reja, paralajmërim që zgjati rreth 1 javë, por që në momentet e fundit u anulua.
Epo me këtë lëvizje, vërtetohet edhe një herë fuqinë e Ramës për të mbuluar skandalet e Qeverisë së tij!
