Kryeministri Edi Rama ka mbërritur në bashkinë e Durrësit, vetëm pak orë pasi zhvilloi një takim me drejtuesit vendor në Fier.
Ai u prit nga kryetarja e bashkisë, Emiriana Sako, dhe së bashku po zhvillon një mbledhje me drejtues të institucioneve dhe drejtorët lokalë.
Para mbërritjes së Ramës, në qytet kanë mbërritur edhe deputetë të Durrësit, ndërsa bashkia ndërmori një aksion për lirimin e hapësirave publike, pjesë e masave që duket se do të vijojnë edhe në këtë qytet.
Ky veprim pason një seri ndërhyrjesh të kreut të ekzekutivit në pushtetin vendor, që nisi nga Vlora dhe më pas në Fier, ku Rama ka kërkuar dorëheqjen e drejtorëve dhe drejtuesve të institucioneve që, sipas tij, nuk kanë përmbushur detyrat e tyre dhe nuk kanë treguar përgjegjshmëri.
