Një shtetas shqiptar, Besjan Karaj, 27 vjeç, banues në Oxford, u dënua me pesë vite burg në Britaninë e Madhe pas një aksidenti të rëndë dhe mashtrimi të kompanisë së sigurimeve.
Gjykata e Oxfordit vendosi gjithashtu pezullimin e drejtimit të automjeteve për 5 vite e gjysmë, dhe ai duhet të kalojë një test të avancuar për të rimarrë patentën.
Më 13 korrik të vitit të kaluar, Karaj po drejtonte makinën në rrugën B4017, kur hyri në korsinë e kundërt dhe përplasi një motorist 22-vjeçar, duke e lënë të plagosur rëndë.
Ai u largua nga vendngjarja dhe më pas i vuri flakën makinës.
