Edhe pse nuk do të jetë kandidate për deputete në zgjedhjet e 11 majit, Monika Kryemadhi ka treguar se cilën parti dhe kandidat do të votojë.
Në hyrje të Kuvendit, e pyetur nga gazetarët, Kryemadhi tha se vota e saj do të shkojë për “Aleancën e Shqipërisë Madhështore” dhe si kandidat në listë të hapur, Ilir Metën.
“Patjetër që vota ime do të shkojë për Aleancën e Shqipërisë së Madhërishme dhe në listë të hapur për Ilir Metën. U bëj thirrje miqve dhe familjarëve dhe atyre që kanë besuar te unë të shkojnë dhe të votojnë Presidentin e Partisë së Lirisë”, tha Kryemadhi
