Në Gjykatën e Posaçme kundër Korrupsionit dhe Krimit të Organizuar ka nisur seanca për “Metamorfozën”. I pandehuri Behar Bajri ka kërkuar që seanca të zhvillohet me dyer të mbyllura pa praninë e gazetarëve.
“Nuk i dua gazetarët, sepse më kanë paragjykuar nëpër televizione. Nuk jam dakord të vazhdojë seanca në praninë e tyre,” deklaroi Bajri gjatë seancës.
Prokurori i SPAK, Arben Kraja, kundërshtoi kërkesën e Bajrit, duke theksuar se nuk ekzistojnë rrethana ligjore për zhvillimin e gjyqit me dyer të mbyllura.
Edhe avokati i Behar Bajrit, Elton Hyseni, kërkoi që seanca të zhvillohet me dyer të mbyllura pasi ekspozimi i të dhënave të mbrojtjes mund të dëmtojë gjithë procesin.
