Lidhur me plagosjen e ndodhur në Vlorë të një 37-vjeçari, i identifikuar si Skënder Mehmetaj, policia ka bërë me dije se 37-vjeçari ishte vetëplagosur me armë zjarri pistoletë, në ambientet e jashtme të një lokali.
Më tej, policia shton se Mehmetaj hodhi armën e zjarrit, tashmë të sekuestruar, brenda një automjeti menjëherë pas ngjarjes.
Njoftimi
Në vijim të informacionit paraprak të dhënë më herët, lidhur me shtetasin S. M., 37 vjeç, banues në Selenicë, i cili mbërriti sot në spitalin e Vlorës për ndihmë mjekësore pasi ishte plagosur me armë zjarri, nga verifikimet e shpejta hetimore dyshohet se 37-vjeçari është vetëplagosur me armë zjarri pistoletë, në ambientet e jashtme të një lokali, në lagjen “10 Korriku”.
Në cilësinë e provës materiale u sekuestrua edhe arma e zjarrit (pistoletë), e cila dyshohet se është hedhur nga shtetasi S. M, brenda një automjeti, pas ngjarjes.
