Një histori që preku zemrat e publikut është kthyer tashmë në një realitet të ri për nënë Luljetën. Gruaja që jetonte në kushte të vështira, në një banesë të rrënuar, ka hyrë në shtëpinë e saj të re, të ndërtuar dhe mobiluar me standarde moderne.
Momenti emocionues u transmetua mbrëmjen e djeshme në prime-n e Big Brother VIP Albania, ku u shfaq videoja e nënë Luljetës teksa hynte në shtëpinë e re – një ambient i ngrohtë, i arreduar me kujdes dhe i pajisur me të gjitha kushtet e nevojshme për një jetesë dinjitoze.
Ndërtimi i shtëpisë u realizua nga Kastrati Group në bashkëpunim me Top Channel, të cilët bënë të ditur se mbështetja për të nuk do të ndalet vetëm me kaq, por do të vijojë edhe në të ardhmen, në mënyrë që ajo të jetojë vitet e saj me më shumë qetësi dhe siguri.
View this post on Instagram
Ndërkohë, një tjetër gjest solidariteti erdhi me heret nga banorët e Big Brother VIP Albania 5, të cilët gatuan ushqime për t’i shitur.
Të ardhurat e mbledhura nga shitjet shkuan për bamirësi, konkretisht për nënë Luljetën. Big Brother i dorëzuan asaj një çek prej 5 mijë eurosh për ta ndihmuar në përballimin e vështirësive.
Pas transmetimit të klipit në prime, Kastrati Group njoftoi zyrtarisht se do të ndërtojë për të një shtëpi të re dhe do t’i garantojë mbështetje financiare, në mënyrë që vitet e ardhshme të jetës së saj të jenë sa më të qeta.
Një histori që nisi me dhimbje, por që u mbyll me shpresë, falë një bashkëpunimi që solli një ndryshim të madh në jetën e një nëne shqiptare.
