Ndeshja e djeshme mes Partizanit dhe Erzenit u gjykua nga kryesori Silvio Dyrmishi. Ky i fundit akordoi me të drejtë dy penallti, por në njërin rast iu desh ndihma e VAR-it.
38’ Zeka hyn në zonë dhe ndalet me një sparkatë nga Hadroj, që e prek shumë pak topin dhe shkon me intensitet në këmbët e kundërshtarit, duke e lënë edhe të dëmtuar. Kryesori Dyrmishi vijon lojën, por ndalet nga VAR-i. Shkon të rishohë pamjet dhe më pas akordon 11-metërsh. Vendimi final është i drejtë, por për tu çuditur është fakti që Dyrmishi nuk e akordoi direkt, pasi ishte moment flagrant. (VIDEO)
54’ Pas një depërtimi nga e majta të Rrapajt, mesfushori rrëzohet në zonë dhe gjyqtari nuk ka dyshime duke akorduar penallti. Pamjet tregojnë se ka një kontakt, megjithëse minimal, me Rrapajn, që e ka luajtur mirë edhe momentin e rrëzimit. Dyrmishi me të drejtë e akordon direkt, pa nevojën e VAR-it. (VIDEO)
