Përfaqësuesja e Kilit, rivalja e parë e Shqipërisë në miqësoret e muajit mars, ka pësuar ndryshime të mëdha në listën e lojtarëve për këtë duel.
Federata ka bërë të ditur se jashtë liste janë nxjerrë katër futbollistë për shkak të problemeve fizike, teksa janë afruar katër të tjerë për të marrë vendin e tyre.
Në vend të tyre, pjesë e grumbullimit janë bërë Ben Brereton Diaz (Sheffield United), Esteban Pavez (Colo-Colo) , Alexander Aravena (Universidad Católica) dhe Lucas Assadi (Universidad de Chile).
Ftesa e Brereton Diaz është paksa e papritur, pasi sulmuesi i Sheffield United ishte lënë jashtë grumbullimit me një motivim të qartë nga Gareka. Ky i fundit theksoi në prezantimin e listës së futbollisti nuk kishte mësuar spanjisht mjaftueshëm pasi është lindur dhe rritur në Britaninë e Madhe.
Ndaj ai ishte lënë jashtë nga lista që u shpall pak ditë më parë dhe mendohej se nuk do të kthehej para ndeshjeve të qershorit.
Gareka qartësisht ka bërë prapakthehu në vendimin e tij të pazakontë me këtë motivim, pasi duket e pamundur që aftësitë në komunikimin në spanjisht të lojtarit të jenë përmirësuar kaq shumë në vetëm një 10 ditë.
