Milan ka mundur të marrë një fitore me përmbysje në transfertën ndaj Frosinones me shifrat 2-3.
Të parët që kaluan në avantazh ishin kuqezinjtë, ku Giroud zhbllokoi rezultatin në minutën e 17’. Nuk vonoi shumë dhe Frosinone rikthen baraspeshën, me Soule i cili shënoi nga pika e bardhë në minutën e 24’.
Gjatë pjesës së dytë, Milan befasohet pasi Frosinone gjen golin e avantazhit me anë të Mazzielli në minutën e 65’. Megjithatë, djemtë e Piolit nuk u dorëzuan.
Në minutën e 72’, Giroud la topin me kokë për Gabbia dhe ky i funidt barazoi shifrat në 2-2. Pranë fundit, Jovic shënoi edhe golin e përmbysjes së madhe në minutën e 81’.
Me këtë rezultat, Milan ndodhet në vendin e tretë me 49 pikë, ndërsa Frosinone në vendin e 14 me 23 pikë.
