Rrjeti kishte ndërtuar qindra faqe interneti dhe profile në rrjetet sociale, ku përdorte emra dhe imazhe personazhesh të njohur apo “mjekësh” të rremë për të mashtruar viktimat. Pasi pacientët plotësonin formularët online, ata kontaktoheshin nga operatorë të qendrave telefonike të grupit kriminal, të cilët paraqiteshin si mjekë apo specialistë dhe pretendonin se produktet ishin kura të vërteta për sëmundje të pashërueshme ose të rënda.
Sipas autoriteteve europiane, suplementet nuk kishin asnjë efekt real në organizëm dhe përmbanin pothuajse të njëjtët përbërës, pavarësisht pretendimeve se trajtonin sëmundje të ndryshme.
