Gazetarja Klodiana Lala ka komentuar zhvillimet më të fundit lidhur me procesin gjyqësor ndaj Erion Veliaj, duke theksuar se deri tani nuk ka pasur një vendimmarrje nga Gjykata Kushtetuese sa i takon masës së sigurisë.
Lala tha për ‘Programin e drekës’ në News24 se Veliaj pretendon se ka qenë i gatshëm për t’u përballur me hetimin dhe nuk ka tentuar të largohet nga vendi, ndaj argumenton se masa ndaj tij ka cenuar lirinë personale.
Nga ana tjetër, sipas saj, GJKKO ka argumentuar se ekzistonte rreziku i ndikimit mbi provat dhe hetimin. Ajo shtoi se tetë anëtarët e Gjykatës Kushtetuese janë tërhequr për t’u shprehur në një moment të dytë me një vendim lidhur me rastin. Sipas Lalës, Gjykata Kushtetuese mund të arrijë në përfundimin se masa e sigurisë ka qenë proporcionale, por kjo nuk do të sillte automatikisht lirimin e Veliajt. Nëse ndodh e kundërta, atëherë kryebashkiaku do të kishte mundësi të ndiqte rrugë të tjera ligjore.
Gazetarja theksoi se një moment i rëndësishëm pritet të jetë data 28 maj, kur Gjykata e Lartë do të shqyrtojë rekursin për masën e sigurisë.
Sipas Lalës, nëse vendimi i Gjykatës së Lartë do të ishte në favor të Veliajt, kjo mund t’i shërbente atij më vonë edhe në një proces të mundshëm në Gjykatën Evropiane për të Drejtat e Njeriut në Strasburg. Ajo nënvizoi gjithashtu se procesi pritet të jetë i gjatë, me dëgjim dëshmitarësh dhe debat mbi provat.
Në lidhje me kërkesën e Veliajt për një proces të hapur dhe transmetim live të seancave, Lala tha se kjo nuk është pranuar nga të pandehurit e tjerë në proces.
“Nuk ka pasur një vendimmarrje sot nga Gjykata Kushtetuese. Veliaj pretendon se ka qenë i hapur për hetimin dhe nuk ka pasur tentativa për t’i larguar nga vendi. Ndaj ai pretendon se i është cënuar liria. Por GJKKO ka pretenduar se ai mund të rrezikonte provat. Kushtetuesja nuk është se do ta lirojë Velijan, pasi merret me kushtetueshmërinë e ligjit. 8 anëtarët janë tërhequr që në një moment të dytë do të ketë dhe një vendimmarrje në lidhje me rastin në fjalë. GJK mund të thotë se; masa ka qenë proporcionale, por kjo nuk sjell lirimin e Veliajt. Por nëse rrëzohet ai ka rrugë të tjera për ta ndjekur këtë çështje. Ai ka një tjetër rekurs për masën, në Gjykatën e Lartë, ku është caktuar më 28 maj seanca. Për herë të parë do të kemi një vendim nga Gjykata e lartë një vendim që mund të sjellë ndikim te vendimet e të ardhmes. Nëse vendimi do të ishte pro Veliajt, atij mund t’i shërbente që çështjen që ai ta çonte në Strasburg psh. Ai ka një proces të gjatë. Do të dëgjohen dëshmitarë e do të debatohen provat. Veliaj ka kërkuar një proces të hapur, që të transmetohet live, por të pandehurit e tjerë nuk e pranojnë këtë gjë. Nuk duhet të ketë kafaz prej xhami, nëse do më pyesni si juriste, por nëse do më pyesni si gazetare, ato hekura dhe tani xham aty kanë qenë, dhe sot kur u prek politika ka reagim. Me interes është; a ka kryer korrupsion Veliaj? Kjo është çështja.”, tha ajo.
Pyetjes nëse; A cënojnë njëra-tjetrën vendimet që do të japin Gjykata Kushtetuese dhe Gjykata e Lartë, Lala iu përgjigj: “Varet, pasi Gjykata e Lartë është shkalla e tretë e gjyqësorit. Ato do të duhet ta japin vendimin më 28 maj. GJK mendoj se nuk do ketë dhënë vendimin deri atëherë. Vendimi i GJK është si bonus nëse Veliaj merr të drejtë, që ta çojë në Gjykatën e të drejtave të Njeriut.”.
Ndër të tjera, gazetarja bëri dhe një deklaratë të fortë sa i takon ish-zëvendëskryeministres Belinda Balluku, që mund të ashpërsohen akuzat penale ndaj saj.
“Berisha; Edhe zoti Berisha nuk paraqitet në proces, por vetëm dhëndri i tij dhe avokatët e tij. Në lidhje me Metën kemi trupë të re gjykuese. Për zonjën Balluku kemi pasur një pyetje të Auron tarës, që ka dhënë dëshmi në SPAK për pasurinë e Balluku dhe kontrollet. Po ashtu janë bërë dy fletëthirrje dhe për ish-futbollistin Igli Tare.
Sa i përket celularëve që u sekuestruan në kontrollet e fundit, pritet vendimi i gjykatës. Por kjo çështje kërkon shumë kohë. Mendoj se ndaj zonjës Balluku dhe të personave të tjerë, mund të ketë ashpërsim të akuzave penale.”, shtoi Lala.
