Rike Roçi mbylli rrugëtimin e saj në shtëpinë e Big Brother Vip një natë më parë, pasi nuk e kaloi dot nominimin përballë banorëve të tjerë. E ftuar në ”Fan Club” këtë të dielë, Roçi tha se dhe nëse nuk do të dilte me votat e publikut, ajo do të largohej vetë nga shtëpia, pasi sipas saj, brenda ka shumë negativitet. Ndërsa shtoi se një nga banorët me energji negative brenda shtëpisë është Egla.
Rike Roçi: Nëse e kaloja atë nominim, unë do e kisha lënë vetë shtëpinë për 2 javë. Po, do kisha dalë vetë, sepse shpirtërisht ai ambient po më bënte keq. S’e di si duket nga jashtë, por është një ambient shumë negativ. Unë jam një njeri që jetoj me energji dhe atje ka shumë energji negative. Padyshim, Egla ka qenë banorja që më ka dhënë një energji shumë negative. Ka një negativitet të madh dhe deri në momentin e fundit më ka sharë.
