Britania është tronditur nga sulmi terrorist që ndodhi jashtë sinagogës Heaton Park në Mançester të Anglisë dje, në ditën e shenjtë hebraike të Yom Kippur, ku pati 2 të vrarë.
Autori ishte 35-vjeçari Jihad Al-Sami, i lindur në Siri, i cili u rrit në një shtëpi disa blloqe larg tempullit ku ndodhi krimi dhe që gjithashtu mbeti edhe vetë i vrarë. Al-Sami u qëllua për vdekje nga policia disa minuta pas sulmit.
Al-Shamie kishte mbërritur në Britani si fëmijë dhe i ishte dhënë shtetësia në vitin 2006. Megjithatë, ai nuk kishte qenë kurrë në shënjestër të policisë dhe as nuk ishte bashkuar me programin e parandalimit të radikalizimit “Parandalimi”. Thuhet se ai punonte si mësues anglishteje dhe programimi, ndërsa fqinjët e përshkruajnë atë si një burrë të vetmuar dhe të qetë që shmangte kontaktin shoqëror.
Babai i tij, Faraj Al-Shamie, është një traumatolog me përvojë në OJQ-të që veprojnë në zona lufte, dhe në një postim të mëparshëm ai kishte ndarë një foto të djalit të tij duke mbajtur një foshnjë, dëshmi se autori i krimit kishte edhe përgjegjësi familjare. Mësohet se ai është edhe baba i dy fëmijëve gjithashtu.
