Policia i ka bllokuar mjetin një shtetasi i cili kreu parakalim të gabuar në aksin rrugor “Pogradec-Korçë”, në afërsi të kryqëzimit duke rrezikuar jetën e përdoruesve të tjerë të rrugës.
Gjithashtu, shtetasi me inicialet A.D., është ndëshkuar me masë administrative 10.000 lekë të rinj.
Njoftimi i policisë:
Kreu parakalim të gabuar, në afërsi të kryqëzimit duke rrezikuar jetën e përdoruesve të tjerë të rrugës, evidentohet dhe ndëshkohet nga Policia Rrugore e Korçës.
Shërbimet e Sektorit të Policisë Rrugore Korçë, pas publikimit të një videoje në rrjete sociale, për një automjet tip “Audi” që kreu parakalim të gabuar në aksin rrugor “Pogradec-Korçë”, në dalje të qytetit të Pogradecit, kanë lokalizuar dhe bllokuar automjetin, si dhe kanë ndëshkuar me masë administrative 10000 lekë të rinj, drejtuesin e mjetit, shtetasin A. D.
Policia Rrugore falënderon qytetarët që evidentojnë dhe publikojnë shkeljet e kryera nga drejtuesit e mjeteve, dhe apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor.
