Një 38-vjeçari ka mbetur i plagosur pas një sherri mes disa personave në Kamëz.
Mësohet se konflikti ka ndodhur për motive të dobëta. 38-vjeçari është dhunuar me sende të forta dhe aktualisht ndodhet në spital.
Policia ka gjetur në vendngjarje edhe një gëzhojë.
“Në Kamëz, dyshohet se për motive të dobëta janë përfshirë në konflikt dy drejtues automjetesh.
Si pasojë është dëmtuar dyshohet me sende të forta shtetasi R. V., rreth 38 vjeç, i cili ndodhet në spital, jashtë rrezikut për jetën.
Gjatë këqyrjes së vendngjarjes, është gjetur e sekuestruar një gëzhojë.
Punohet për identifikimin, kapjen e drejtuesit të automjetit tjetër të përfshirë në konflikt.
Grupi hetimor po punon për sqarimin e rrethanave të ngjarjes”, thuhet në njoftim.
