Faqja satirike ‘Lolita’ ka publikuar një foto të deputetes së PD, Jorida Tabaku, duke denoncuar korrupsionin e pretenduar të qeverisë. Zonja Tabaku, sipas Lolitës, shfaqet me byzylyk që kushton 5 mijë euro.
Teksa zonja Tabaku denoncon korrupsionin qeveritar, vëllai i saj Fisnik Tabaku është drejtor i Rilindjes te Albcontrol. Nuk ka të dhëna nëse vëllai i zonjës Tabaku është përfshirë në procedura tenderuese, por Albcontrol është një ndërmarrje shtetërore që nonton në luks.
Ndërkaq, pranë vilës së sekuestruar si aset i korrupsionit të Arben Ahmetajt, në kompleksin “Vala Mar” në Hamallaj, ka një vilë edhe deputetja e PD-së, Jorida Tabaku, në emrin e bashkëshortit Saimir Sallaku.
Nga verifikimet rezulton se vila përbëhet nga një sipërfaqe ndërtimi 174 m2 dhe parcelë 421 m2. Vila është deklaruar 195 mijë eruo. Kemi parë nga afër vilën, e cila nuk ka ndonjë ndryshim domethënës nga vila e Arben Ahmetajt.
Vlera e deklaruar e vilës 195 mijë euro nuk mbulon as mobilimin e saj, ku përfshihen edhe punime druri antik. Vila kushton mbi 1 milionë euro. Për kamuflimin e vilës mësohet se është përfshirë një oligark, emrin e të cilit zonja Tabaku nuk e përmend kurrë.
Jorida Tabaku është në një pozitë të sikletshme në raport me Fondacionin Soros. Tabaku ka marrë një bursë studimi nga Soros dhe është konsideruar si investim i Sorosit në PD. Ndërkaq, Sali Berisha, i cili do të vendosë për emrin e zonjës Tabaku në listën e kandidatëve për deputet, e ka shpallur Sorosin armik, duke i faturuar atij damkën nongrata, goditjen e Familjes nga SPAK, pretendimet për eliminim të opozitës dhe 1 mijë të zeza.
A ka marrë Jorida Tabaku leje për kulla nga pushteti në emër të oligarkëve?
A fsheh zonja Tabaku pasuri të paluajtshme jashtë vendit?/prapaskena
