Kreu i Partisë Demokratike, Sali Berisha, ka reaguar sot ndaj akuzave që kandidatja Adriana Kalaja ka hedhur ndaj Jorida Tabakut, duke i cilësuar të pabazuara dhe të papranueshme. Në një konferencë për shtyp, Berisha tha se askush nuk ka të drejtë të hedhë akuza pa prova konkrete.
“Zonja Kalaja është një luftëtare e vendosur, por në vlerësimin tim, ajo dhe cilido tjetër nuk ka të drejtë të akuzojë dikë pa fakte” , u shpreh Berisha.
Duke vlerësuar angazhimin e Jorida Tabakut në fushatë, Berisha shtoi: “Zonja Tabaku ka bërë një nga fushatat më intensive që kam parë. Nëse dikush ka dyshime, le t’i faktojë. Nuk jemi parti që themi ‘mos hap kutitë’, përkundrazi kërko të drejtën tënde, por me prova.”
Pjesë nga fjala e Berishës:
Zonja Kalaja është një luftëtare e vendosur, e guximshme që në 4 vite është përballur direkt me krueministrin më shumë se kushdo tjetër. Në atë linjën e saj që beson se është avokate, linjën e drejtësisë dhe paditë. Zonja Kalaja dhe cilido tjetër qoftë në vlerësimin tim, nuk ka të drejtë pafakte të akuzojë ndonjë njeri.
E treta, Sali Berisha është shprehur për këtë se zonja Tabaku ka bërë një nga fushatat më intensive siç kam konstatuar. Çdo kandidat që ka pretendime, t’i verifikojë. Pavarësisht nga konsideratat që kam, mbroj parimet bazë. Ai që ka dyshime dhe t’i faktojë pa pasur asnjë pengesë në sigurimin e dokumentacionit. Janë disa nuk është vetëm zonja Kalaja. Nuk jemi parti tu themi mos hap kutitë, atë nuk e themi kurrë. Kërko të drejtën tënde, ky është parimi im.
Ndërkohë kujtojmë që Adriana Kalaja akuzoi Tabakun se asaj “ja bleu votat Rama dhe oligarkët, për të poshtëruar Berishën”.
