Një 40-vjeçar shqiptar është vënë në pranga nga autoritet italiane pas më shumë se dy dekadash arrati.
Shqiptari, i cili ende nuk i është bërë publik identiti, u arrestua nga policia italiane në Cefalu të Sicilisë në bazë të një urdhër arresti ndërkombëtar të autoriteteve shqiptare.
Shqiptari rezulton i dënuar me 25 vite burg nga Gjykata e Tiranës për vrasje, armëmbajtje pa leje dhe grabitje. Ngjarje të cilat janë regjistruar në fillim të viteve 2000 ku ka ekzekutuar një person pas një grabitje dhe që prej atëherë është fshehur në Itali nën një identitet fals.
I arrestuari është vënë në dispozicion të Autoritetit Gjyqësor me qëllim ekstradimin në Shqipëri.
