Gazetarja Ola Xama, e ftuar në emisionin “Të Paekspozuarit” hodhi dritë mbi lidhjet e ish-zv/kryeministrit Arben Ahmetaj me dy administratorët e inceneratorëve, Mirel Mërtiri dhe Klodian Zoto.
Xama publikoi edhe një foto nga dosja e SPAK ku duket Ahmetaj në shoqërinë e Mërtirit. Ajo u shpreh se “koka” për cështjen e inceneratorëve nuk është Ahmetaj, ka përgjegjësi, por, sipas saj, përgjegjësja është qeveria e korruptuar.
“Akuza kryesore është korrupsion për çështjen e inceneratorëve. Prova që ka SPAK për këtë janë faturat 34 mijë euro për pushime jashtë shtetit. Është gjetur pasuri e padeklaruar. SPAK provon se nga provat e marra në telefonin e Ahmetaj kishte biseda ku jo vetëm kishte miqësi me Mërtirin dhe Zoton, por ashtu i ka ndihmuar për të bërë biznes kur PS ishte në opozitë por kishte disa bashki të fituara. Kuptohet që koka nuk është Ahmetaj, por që ka përgjegjësi ka. Arkitekti nuk është urdhëruesi, ai është dizejnuesi, pra unë dua një projekt dhe nuk mendoj që arkitekti i skemës është Ahmetaj, por është qeveria që është e korruptuar dhe ka gjetur dikë që është i aftë për këtë”, tha Xama.
