Pas raportimeve të fundit për një vjedhje në kompleksin luksoz “Valamar” në Gjirin e Lalzit, një tjetër qytetare ka denoncuar një incident të ngjashëm. Kjo ngjarje e re shton dyshimet mbi efikasitetin dhe profesionalizmin e shërbimit të sigurisë private në këtë zonë, ndërkohë që qytetarët kërkojnë më shumë përgjegjësi nga administrata.
Sipas dëshmisë së qytetares poër “JOQ”, më datë 13 korrik, ndërsa pushonte në hotelin “Starmar” brenda kompleksit, asaj i është vjedhur një peshqir me vlerë 300 euro i markës “Dsquared”. Peshqiri ishte lënë mbi shezlong në plazh dhe u zhduk disa orë më vonë.
Qytetarja kërkoi ndihmë nga administrata për të parë pamjet e kamerave të sigurisë, por u përball me një përgjigje befasuese. Administratori i hotelit i konfirmoi se sistemi i kamerave, i menaxhuar nga kompania “ARB Security”, ishte jashtë funksionit prej dy javësh.
Kjo përgjigje ngre pyetje serioze mbi sigurinë në një nga destinacionet më të shtrenjta të bregdetit shqiptar. “Nuk mu duk normale në një rezidencë të tillë të mos punonin kamerat prej 2 javësh,” shprehet qytetarja. Ajo u largua e zhgënjyer, duke i paralajmëruar pushuesit e tjerë të kenë kujdes, pasi mungesa e sigurisë është një problem i madh.
Këto incidente rrezikojnë të dëmtojnë imazhin dhe besueshmërinë e “Valamar”, një investim i madh turistik.
