Inter ka mposhtur 2-1 Salzburg-un në javën e tretë të Grupit D të Champions League dhe ka hedhur një hap drejt kualifikimit në 1/8-at e kompeticionit.
Inter [1] – 0 Salzburg – Alexis Sánchez 19′ – Video
Alexis Sanchez, i aktivizuar titullar në vend të Thuram, ka zhbllokuar takimin në minutën 19-të, duke u kthyer të shënojë në Champions pas nëntorit të 2021-shit.
Inter 1 – [1] FC Salzburg – Oscar Gloukh 57’ – Video
Salzburg ka heshtur San Siro-n në minutën e 57-të duke barazuar me Gloukh, por festa e miqve nuk ka zgjatur shumë. Në fakt, në minutën e 64-t zikaltrit janë kthyer në avantazh me një penallti të Calhanoglu.
Inter [2] – 1 FC Salzburg – Hakan Calhanoglu (pen) 64’ – Video
Në minutën e 81-të, Lautaro Martinez ka realizuar edhe të tretin për milanezët, por goli është anuluar nga VAR për një pozicion jashtë loje.
Në fushë edhe Asllani, i cili është aktivizuar në minutën e 76-të në vend të Calhanoglu.
Kjo ka qenë fitorja e 100-të për zikaltrit në Champions League, ish-Kupa e Kampionëve. Një histori triumfesh e nisur me Helenio Herrera-n me një 1-0 kundër Everton-it.
Fitore edhe për Bayern Munich, që ka mundur 3-1 në transfertë Galatasray-n. Pjesa e parë është mbyllur në barazim 1-1, pasi Coman ka kaluar në avantazh bavarezët dhe Icardi ka barazuar për vendasit me një penallti në stilin “panenka”.
Galatasaray 0 – [1] Bayern Munich – Kinglsey Coman 8′ – Video
Protagonistët e pjesë së dytë kanë qenë Kane dhe Musiala. Anglezi ka kthyer në avantazh miqtë në minutën e 73-të pas një asisti të marrë nga Musiala, dhe ky i fundit ka fiksuar shifrat në 3-1 pas një asisti të marrë nga Kane.
Galatasaray [1] – 1 Bayern Munich – Mauro Icardi penalty 30′ (panenka) – Video
Galatasaray 1 – [2] Bayern Munich – Harry Kane 76′ – Video
Galatasaray 1 – [3] Bayern Munich – Jamal Musiala 79′ – Video
Bayern kryeson Grupin A me 9 pikë, ndërsa Galatasray është në vendin e dytë me 4 pikë.
