Kandidatja për deputete, Taulanda Jupi, së bashku me drejtuesin e Koalicionit Euroatlantik, Lulzim Basha, zhvilluan një takim me pensionistë, ku vlerësuan punën, sakrificën dhe kontributin e tyre në ndërtimin e vendit.
“Shqipëria nuk mund të jetë e fortë pa respekt për ata që e ndërtuan me duart dhe mendjen e tyre,” tha Jupi, duke theksuar se një shoqëri që nderon të moshuarit ndërton një të ardhme me rrënjë të forta.
Koalicioni Euroatlantik ka prezantuar një platformë konkrete për përmirësimin e jetës së pensionistëve, që përfshin:
Rritje të pensioneve me 5% çdo vit;
Indeksim të pensioneve me dyfishin e inflacionit;
Bonus dinjitoz prej 250,000 lekësh çdo tre muaj për pensionistët në nevojë.
POSTIMI
Së bashku me drejtuesin politik të Koalicionit Euroatlantik, z. Lulzim Basha, u ndalëm të çmojmë punën, sakrificën dhe dinjitetin e pensionistëve tanë.
Nuk ka Shqipëri të fortë pa respekt për ata që ndërtuan këtë vend me duart dhe mendjen e tyre. Nuk ka progres të ndershëm pa mbështetur ata që gjithë jetën dhanë, dhe sot meritojnë të marrin.
Një shoqëri që nderon të moshuarit, ndërton një të ardhme me rrënjë të forta.
Për këtë arsye, Koalicioni Euroatlantik ka një angazhim të palëkundur:
️✅Rritje të pensioneve me 5% çdo vit;
Indeksim të pensioneve me dyfishin e inflacionit;
✅Bonus dinjitoz prej 250,000 lekësh çdo tre muaj për ata që kanë më shumë nevojë.
Ne nuk premtojmë për t’u pëlqyer. Ne punojmë për të merituar besimin.
Shqipëria me dinjitet fillon me respektin për brezat që na mësuan të qëndrojmë në këmbë.
