Për me shumë se tre orë zv.kryeministri Belinda Balluku është pyetur nga oficerë të Byrosë Kombëtare të Hetimit në SPAK.
Numri dy i qeverisë është thirrur nga prokurori Dritan Prençi dhe u morr në pyetje nga oficeret e Byrosë Kombëtare të Hetimit për aferën e inceneratorit të Tiranës.
Balluku deklaroi se qeveria e mbështet drejtësinë për të bërë punën e saj dhe për të zbardhur këtë dosje, që sipas saj ka bërë pis të madh dhe të vogël.
“Ishte një thirrje për dosjen 255, që është dosja e inceneratorit të Tiranës. Duhet të jepja disa sqarime që besoj të kenë shërbyer në zbardhjen e kësaj dosje. Kjo është ndarja e vërtetët e pushteteve. Qeveria ka punën e saj, parlamenti ka punën e tij dhe drejtësia ka punën e saj dhe ne jemi këtu për ta mbështetur. Kjo është një dosje që ka bërë pis të madh e të vogël dhe ka ardhur koha të zbardhet, për të ndarë njëherë e mire të mirën nga e keqja, punën e ndershme nga abuzimi i pafalshëm”, tha Balluku.
Marrja e saj në pyetje vjen disa javë pas pyetjes së Veliajt teksa prokuroria po finalizon hetimet për inceneratorin e Tiranës.
