Në masat e lëshuara nga SPAK në hetimet për korrupsion ndaj Erion Veliajt, GJKKO kishte miratuar dhe “Arrestin në shtëpi” për bashkëshorten e kryebashkiakut, Ajola Xoxën.
Por, burime për mediat bëjnë me dije se masa e sigurisë e vendosur ndaj Ajola Xoxës nuk është ekzekutuar, pasi ajo ndodhet prej dy ditësh jashtë shtetit, më konkretisht në Romë.
Mediat pranë qeverisë raportojnë se bashkëshortja e Veliajt ndodhet jashtë vendit për t’u kuruar, pasi ka probleme shëndetësore. Gjithsesi, kjo mbetet për t’u konfirmuar, pasi ajo mund të jetë larguar dhe nga frika e një mase më të rëndë sigurie, “Arrest me burg”, të njëjtë si ndaj bashkëshortit të saj, Erion Veliaj.
Në këtë dosje, GJKKO ka caktuar masa “detyrim paraqitje” dhe për 5 biznesmenët Gentian Sulën, Meriman Palushi, Fatmir Bektashi, Sokol Kryeziu dhe Shkëlqim Fusha. Këta biznesmenë njihen si përfitues të tenderave nga Bashkia e Tiranës.
