Alfred Peza ka dhënë dorëheqjen nga drejtimi i Radio Televizionit Shqiptar.
Mandati i tij në krye të RTSH-së ka zgjatur më pak se një vit, ndërkohë që është përballur me kritika të shumta në lidhje me menaxhimin dhe largimet masive të punonjësve.
Mësohet se Peza e ka dorëzuar dorëheqjen pranë Bordit Drejtues të RTSH-së, i cili e zgjodhi kryetar me votë unanime verën e kaluar.
Që prej marrjes së detyrës, Peza është akuzuar për shkarkime masive nga puna, si dhe për emërimin në poste kyçe të njerëzve të besuar të tij, të cilët nuk kishin qenë më herët pjesë e organikës së RTSH-së.